DHAAMSA HATATTAMAA
Gara: Lammiiwwan Oromoo
- Bakka Jiran Maratti
Irraa: Koree Gargaarsa Baqattoota Oromoo Biyya Yaman
- Minneapolis, Minnesota
Kabajamoota Lammiiwwan Oromoo,
Baqattootni saba Oromoo kanneen biyya Yaman-tti dahatan ammaan tana: ajjeechaa, dararaa, beela, dheebuu fi roorroo akkaan hamaa keessatti waan argamaniif jecha, bakka jirtan maratti iyyannoo isaanii hawaasota Oromoo-tii fi kan addunyaatti akka dabarsitaniif maqaa isaaniitii fi ka Koree Gargaarsaa tiin kabajaan isin gaafadha.
Rakkoon harkaa isaan qabdu, ajjeechaa fi dhiitamiinsa mirga namoomaa qofaa miti. Daa’imman nyaataa fi dhugaatii hin qaban. Harma keessi duwwaa xuuxaa yaratanii ergaramaan dhumuuf guyyaalee lakkaawataa jiran. Kanaaf, dhaamsa hatattamaa kana barbaachise.
Dhugamatti, yaroon hin jiru. Namoonni kun, gara baatiiwwan lamaatiif dahata dhabanii karaalee gubbaa oolanii bulan. Osomaa gurri nu dhagawu ummanni kun beelaa fi rasaasaan achitti dhumuun, gadda seenan hin daganne tahuuf jiraata.
Kanaafuu, jaarmayootaa fi lammiiwwan Oromoo martinuu biyya jirtanitti:
1.Iyyaa iyya dabarsaa. Jaarmayaalee dhimmi kun ilaalutti xalayaa barreessaa. Hawaasota Oromoo-llee dhageessisaa.
2.Qabeenna fi beekkomsa keessaniin daddaffitti baqattoota kana bira dhaabadhaa. Namoonni mahaallaqa gumaachuu barbaaddan: hawaalaalee adda addaatti gargaaramtanii - maqaalee namoota armaa gadiitiin erguufii ni dandeetta/ssan ( maqaa guutuu beekuuf dura telefoonaan qunnamaa)
A. Ahmed - Dura-taa’aa - 967-735-987-366
B. Abduljalil - Itti-aanaa - 967-711-047-905
C.Abdulgani - Barreessaa – 967-733-495-428
D.Hamza - Abbaa-Diinagde -967-736-743-241
E.Biqila - Toohataa - 967-773-906-007
Yaa lammiiwwan Oromoo,
Waan jechootaan ibsinu caalaa mee suuraalema ‘website’-wwan Oromoo irra jiran laalatii, murtii mataa keessanii fudhaddhaa. Dirqama sabummaa bakkaan gayaa. Namoonni gaafii ykn odeeffannoo irra caalaa barbaaddan, ‘e-mail’-n nu qunnamaa. Galatoomaa.
Kabajaa wajjiin,
Sa’id Muhaammad Alii
Geggeessaa Koree Gargaarsaa – Minnesota
Adoolessa 20, 2011
No comments:
Post a Comment